नातं

 

कधी कधी नातं नात्यांत गुंतून जातं , अन त्याचा अर्थच बदलून जातो .

मग त्यांना आपण वेगवेगळी नाव शोधतो.

पण काही नाती अशीच राहतात ... एखाद्या अनामिकेसारखी .
ओळख नसून सुध्दा वेगळी .

काही नाती मैत्रीच्या नावाखाली खपून जातात.
तर काही भावना मात्र असतात.

आयुष्यात कित्येक नाती जुळतात , कित्येक तुटतात .
काही लादली जातात , काही आपसूक बनतात .

ह्या नात्यांचा अजब खेळ असतो .
जेव्हा वाटत जिंकलो , तेव्हाच सारं संपलेलं असत .

-- मीता मेहेर .
   (२३.०५. १९९८)

तू

तुझी पाउल वाळूत रूतलेली ,
अन मी परत सप्तपदी घेतली

तुझा हात अगदी तसाच आहे हातात ,
...... घट्ट ..... आश्वस्थ .

तू आयुष्याला अर्थ दिलास असं नाही ,
पण रंग दिलेस भरपूर .

 -- मीता मेहेर .
 (०७.०२.२०१६) 

खिडकी

आतून बाहेर झाकायला देणारी .
मनाची कवाड उघडणारी.
कधी छोटी कधी मोठी , बाहेरच जग तसाच ठेऊन ,
आपल्याला वेगळीच नजर देणारी .







कधी तिच्या कोनाड्यात जळमट बसतात .
समोरच धूसर करून जातात.
कधी इतकी घट्ट बसून जाते कि ,
उघडता म्हणून उघडत नाही

 पण कधी अगदीच खुश असते
पावसाचं पाणी अलगद गालांवर उडवते
इंद्रधनुष्य मनमुराद पाहू देते
आतून बाहेर पाहायला शिकवते

-- मीता मेहेर
(०७.०३.२०१७)