Fill in the blanks .....

Fill in the blanks सारखं आयुष्य कधी कधी रिक्त वाटत .
शब्दांच्या गर्दीत अशब्द नि:शब्द होत जात.

असह्य होणारी एक पोकळी निर्माण होते
आणि तिला भरून काढण्यासाठी , मन धावत राहत
एकाकी .... दिशाहीन .....

धाप लागली कि वाटत आता बस्स ...
इथेच थांबावं .
जसं आहे तसं , आयुष्य जगावं .

किती राहील , किती गेलं ,
हे पाहण्यासाठी उघडलेली ओंजळी
रितीच भासते

परत एका Fill in the blanks सारखी .

-- मीता मेहेर .
(२४-०७-१९९९ )


   

आयुष्य

आयुष्य सुंदर असत , ते तस जगता आलं पाहिजे .
आयुष्यातला प्रत्येक क्षण , उपभोगता आला पाहिजे.

आयुष्य सुंदर करायला डोळ्यात आशा हवी ,
अन ते सुंदर दिसायला , वेगळीच नशा हवी .

आयुष्याचे सगळे रंग समजायला हवेत.
गडद वा फिके असो , त्यात रंगायला हव.

आयुष्य फक्त स्वतःच्या अटींवर जगू नये .
थोडं बोलावं , थोडं ऐकावं.
आयुष्यच गाणं एकत्र गुणगुणावं

आयुष्य सुंदर असत , ते तस जगात आलं पाहिजे .
आयुष्यातला प्रत्येक क्षण , उपभोगता आला पाहिजे.

-- मीता मेहेर
(१८-१२-२०००)