ती

तुझ्या कुशीत माझं अस्तित्व होत

माझ्या हसण्यात तुझं समाधान होत

दिवसागणिक मी मोठी आणि तुझी मांडी छोटी झाली
बोट हातातून सुटलं आणि हात सहज खांद्यावर आला
तुझी चप्पल , साडी , दागिने सगळंच माझं झालं
तुझं तुझ्यापाशी नक्की काय ग राहील ?

तुझी मूठ सैल आणि माझी पकड आता घट्ट होतेय
तुला सावरण्याचा बळ, मी अजून गोळा करतेय
माझी पावलं शांत पण तुझी रेटल्यागत झालीत
माझी सावली आता मोठी आणि तुझी धूसर झालीय

--मीता मेहेर
२०-०९-२०१८