चौकट

 चारचौघात कुणी तरी एक असावं ,

ज्याने चौकटीच्या बाहेर पडून जगावं.

 

शहाण्यांच्या जगात थोडस वेड पांघराव ,

आणि आपल्याच लयीत काहीस गुणगुणावं .

घ्यावा मोकळा श्वास , मारावी उंच भरारी ,

ठेवावी बाजूला ती, रोजचीच मारामारी .

लोकांच्या नजरा बरंच बोलून जातील ,

नकळत ..आत खोल ..एक प्रश्नचिन्ह सोडून देतील .

पण घाबरायचं नाही भिडू ,

पडू , रडू , पार गळपटून जाऊ ,

पण चौकटीच्या बाहेरच नवीन जग.. शोधात राहू.

-- मीता मेहेर.
२७-०७-२०२३