चला मातीत खेळूया !!!!

चिमुकल्या हाती दिली मऊ मऊ माती ,
अन ती बिचारी अनोळखी स्पर्श झाल्यागत बावरली .
गमतीच्या चार गोष्टी सांगितल्या पाचारणे गुरुजींनी ,
आणि मग मात्र कमालाच केली पाचवीच्या मुलांनी .

छान ताजी भाजी दिली सगळ्यांच्या हातात ,
अन ह्याच काय करावं, ह्या विचारात मुलं हसली गालात.

शंका कुशंका पडल्या बाजूला ,
आणि बघता बघता मातीचा मळा लागला फुलायला .

पाटील गुरुजींचा गणेशा घेत होता मूर्त रूप ,
मुलांनीही बनवले आपापले बाप्पा खूप .

गमतीचा तास त्या दिवशी जरा जास्तच लांबला ,
पण हसू आणि समाधानानं भरला आमचा गल्ला.

--- मीता मेहेर
(०८-०२-२०१८)